دو دانک گوں رودراتکی بلوچستان ءِ راجی رھشوناں

MUST READ

بلوچ سرزمین پر قابض ریاستوں کا بلوچ دشمن خندقیں اور دیواریں کھڑی کرنے کا مشترکہ شازش

بلوچ سرزمین پر قابض ریاستوں کا بلوچ دشمن خندقیں اور دیواریں کھڑی کرنے کا مشترکہ شازش

بلوچستــــانءِ هیروشیمـــا

بلوچستــــانءِ هیروشیمـــا

گپ و ترانے گون بلوچ ہیومن رائٹس آرگنائزیشنءِ سروک بانک بی بی گلءَ بلوچستانءَ پاکستانی فوجی آپریشنءِ بابتءَ

گپ و ترانے گون بلوچ ہیومن رائٹس آرگنائزیشنءِ سروک بانک بی بی گلءَ بلوچستانءَ پاکستانی فوجی آپریشنءِ بابتءَ

بلوچی زبان بلوچانی میراث انت

بلوچی زبان بلوچانی میراث انت

گزشته مہنے نومبر کو ردیگ مند ایرانی سرحد پر دو جگه بارودی سرنگ پٹنهے سے 8 بلوچوں کں موت واقع هوئی هے

گزشته مہنے نومبر کو ردیگ مند ایرانی سرحد پر دو جگه بارودی سرنگ پٹنهے سے 8 بلوچوں کں موت واقع هوئی هے

بلوچ قوم دوست رھنما واجہ حیربیار مريءِ کلو پا 27 مارچءِ بابتءَ

بلوچ قوم دوست رھنما واجہ حیربیار مريءِ کلو پا 27 مارچءِ بابتءَ

بلوچ ہیومن رائٹس آرگنائزیشن کی جانب سے مشکے میں ریاستی فوسز کی جانب سے گذشتہ پانچ روز سے جاری آپریشن

بلوچ ہیومن رائٹس آرگنائزیشن کی جانب سے مشکے میں ریاستی فوسز کی جانب سے گذشتہ پانچ روز سے جاری آپریشن

Truck hits marchers of Long March, two injured

Truck hits marchers of Long March, two injured

کوئٹہءَ هیلته آفیسر ڈاکٹر امیر بخش بلوچءِ بیگواهیءِ بابتءَ گپ و ترانے گون ڈاکٹر کمال هان بلوچءَ

کوئٹہءَ هیلته آفیسر ڈاکٹر امیر بخش بلوچءِ بیگواهیءِ بابتءَ گپ و ترانے گون ڈاکٹر کمال هان بلوچءَ

شھید الیاس نزرءِ ماتءِ کلوّہ

شھید الیاس نزرءِ ماتءِ کلوّہ

بر دانش آموزان بلوچ چه می گذرد؟

بر دانش آموزان بلوچ چه می گذرد؟

بلوچ ورنایانی کشت ءُ کوش تروریستی سپاه ءِ کارانت

بلوچ ورنایانی کشت ءُ کوش تروریستی سپاه ءِ کارانت

من اگت در ملکءَ روان منی جان رکھیت ، بلہ اے ھزارانی بزگین مھلوک ءُ وتی زمینءَ ھلاس بہ کناں پا من انگت گرانترین مرگءِ بیت – قمبر چاکر 2010

من اگت در ملکءَ روان منی جان رکھیت ، بلہ اے ھزارانی بزگین مھلوک ءُ وتی زمینءَ ھلاس بہ کناں پا من انگت گرانترین مرگءِ بیت – قمبر چاکر 2010

شهید کمبر چاکر

شهید کمبر چاکر

پاکستان کشمیر کیلئے حق خود ارادیت کا مطالبہ کرتا ہے لیکن خود بلوچستان پر قابض ہے : حیربیار مری

پاکستان کشمیر کیلئے حق خود ارادیت کا مطالبہ کرتا ہے لیکن خود بلوچستان پر قابض ہے : حیربیار مری

دو دانک گوں رودراتکی بلوچستان ءِ راجی رھشوناں

2020-03-20 15:19:56
Share on

بلوچستان بلوچ راجءِ ڈیہ ءُ ھنکین انت۰ ملک ءِ زِرباری، شمالی، روکپتی ءُ رودراتکی بھر ھر بلوچے ءِ وتن انت۰ بلئے بلوچ دژمنیں درآمداں مئی ڈیہ ءَ آوار جتگ ءُ بلوچ راج اِش سک نگیگ کرتہ۰ بلوچ راجدپتر پیش داریت کہ درآمدیں دژمن پہ مئے ایردست دارگ ءَ ھوری  پندل سازاتگ ءُ بے شمار بلوچ اِش کشتگ ءُ کوشارینتگ۰

ھنوں چشیں دَورے کہ بلوچ راج ءِ دژمن وتی سیاست، چست ءُ ایر ءُ بلوچ دژمنیں کارکرداں سیستماتیک کتگ اَنت۰ شما سھی ءُ سرپد ھست ایت کہ ایران ءُ پاکستانی لشکر ءُ سپاہ ءُ بھرے چہ اوگانستان ءِ واکداراں گوں یکدگرا ھمشورین ءُ ھوریں ادارہ ھست۰  اگاں کسّے سھی نھنت ھنوں سھی بیگی اِنت کہ پہ بلوچانی ایردست دارگ ءُ  بلوچستان ءِ ملی سرمایہ ھانی پل ءُ پانچ ءَ پارس ءُ پنجاپ ءِ  بلوچ دژمنیں  زورانسر ءُ رستریں سروکاں ھر پڑےءَ ھوریں ادارہ ءُ کمیتہ ھست انت۰

کم ءُ گیش سی سال انت کہ اسلام آباد ءُ طھران ءِ  سیاسی، لشکری، جاسوسی ءُ تجارتی ادارہ ءُ کمیتہ برجاہ اَنت ءُ ایشانی مکسد بلوچ راجءِ ایردست دارگ ءُ بلوچستان ءَ مدامی زوربرد کنگ انت۰ اے پہ وتی شومیں مکسدانی پورہ کنگ ءَ ھما بلوچ کُشی ءُ رستری کنگاینت کہ ماں بلوچستان ءِ راجدپترا کم دروراِنت۰ 

طھران ءِ واکداراں آواجتگیں ڈیہ ءِ روکپتی بھرا سپاہ پاسداران ءِ دستا داتہ ءُ بزاں یک کٹریں تروریستی ٹولے یے گوں وتی درملکی بھر بزاں” سپاہ قدس ” روکپتی بلوچستان ءِ ھاکم اَنت۰ اے ٹولی ءِ ایدیولوژیکی  بُن ھشت شیھہ دوازدہ امامی ءُ “ولایت فقیہ  اِنت۰ “ولایت فقیہ” ھمینی ءِ وسّاچیں ٹولی انت۰ “سپاہ قدس  “ولایت فقیہ” ءِ پگری ادارہ ءُ لشکری ھوربند انت۰ اے ھمینی ءُ ھامنہ ای ءِ مرید ءُ بندہ انت۰ “ولایت فقیہ” انسان  دژمن ءُ کٹریں شیھہ دوازدہ امامی ٹولی دگہ مذھب ءُ گئیر شیھہ یانی ھکّاں پہ بیہ نہ منّ انت۰

اے مذھبی ٹولی لوٹیت گئیر شیھہ یاں پہ زور ءُ پندل شیھہ بکنت یا کہ ھست ءُ وجود اِش  گارءُ گمسار بکنت۰ بھایی، یزیدی ءُ تن تن سُنّی مسلمانان اے ٹولے ءِ رستری کارکرد ءِ آماچ انت۰ همے پدمنتگیں ٹولی ھور گوں پارس فاشیستاں دس ماں دست انت ءُ ایران ءِ ایردستیں راجاں بزاں میلیوناں تورک، کورد، بلوچ، تورکمن، عرب لاحوازی ءِ زند ءُ زند جاور اِش چہ جھندم ءَ گنتر کتگ۰ ھمے مذھبی ٹولی ءُ «سپاہ قدس» اَنت کہ شام ءِ بشاراسد،  لبنان ءِ حزب اللہ، بگداد ءِ حشد شعبی ءُ یمن ءِ حوثی یاں ھر وڑیں کمک ءُ مدت کنگ انت،  اشانی ایدیولوژی ءُ فلسفی بُن ھشت مشترک اِنت۰ اے میان ملکی تروریسم ءِ ونڈے اَنت۰ 

شما وت سیاسی  ءُ بلکیں وانندئیں مردم ایت ءُ اندازہ جت کنیت کہ روکپتی بلوچستان چونیں زالمانی ایردست اِنت۰ ھنوں ھبر تچک بہ بنت گھتر انت۰ اے پدرانت گوستگیں شش سال ءِ درگت ءَ سپاہ، سپاہ قدس ءُ بسیج عشایرءَ  گوں لھتیں چہ شمئے مردماں سلام الیک ءُ “رابطہ ” ھست ءُ رودراتکی بلوچستان ءِ شمارے جهدکار شمئے ھبر زرتگ ءُ مگربی بلوچستان ءَ آتکگ  ءُ اداں ایرانی واکدارانی میار بوتگنت۰  البت سپاه پاسداران آهاں په  ڈکّے ( شرطے)  ماں بلوچستان ءِ گِہ، پھرہ، سرباز، سراوان ، چهبار ءُ دشتیاری ءَ جلّتگ اَنت۰

او بلوچ اوبادگاں!  گجرانی مزنیں ڈکّ بزاں “شرط” ایش انت که باھوٹیں ورنا گوں بسیج ءُ سپاه ءَ همکاری بکننت اگاں ناں آهانی آسر شهید عابد زامرانی، شھید نسار بلوچ، شھید ماجد بلوچ ، شھید احمد ءُ چار دگہ  بلوچ ورناےءِ  وڑا بیت که ماں مگس ءُ دشتیاری ءَ کشگ بوتگنت۰  بلوچ ورنایانی کشگ ءِ مستریں سَوَب ایش  کہ آ شھیداں مگربی بلوچانی ھلاپ ءَ گوں درآمدانی سپاہیگاں ھمکوپگ نہ بوتنت۰ آ شھیداں گوں وتی ساہ ءُ زند ءِ ندر کنگ ءَ دوست ءُ دژمن ءَ گُوشت کہ  وتی ڈیہ ءِ روکپتی بھرا پہ برات کشی نیاتکگ انت۰

پکائیں ھالانی ردا رُمبے سرپدیں بلوچ ورنا کہ پہ باھوٹی ءَ روکپتی بلوچستان ءِ شھراں آتکگ اتنت ءُ نہ لوٹتگت اِش  گوں گجراں ھمکاری بکننت پدا ملک ءِ کوھانی میار بوتگنت یا کہ  در ملکاں شتگ ءُ اوداں باھوٹی ءَ نشتگ اَنت۰

مئے مزن شانیں راجدپتر گواہ انت کہ روکپتی بلوچستان  (ایران ءِ آوارجتگیں بلوچستان) ءِ جھد گوستگیں کرن (سد سال)  ءَ  گوں وڑڑیں گِروچیلاں دیم پہ یم بوتہ بلئے  باھوٹیں ورنایانی آیگ ءُ سپاہ ءِ میاربیگ ھنچیں گرانیں مشکلے کہ ایشی ءَ شما وَت گیشینت کنیت ءُ بَس۰ 

شما ءُ شمئے ھوربند وت مستر ءُ آزات اَنت کہ گوں کئے ءُ کجام ملکاں  دَے گِر دیوان ءُ مذاکرہ یا رابطہ بکنیت بلئے  رابطہ گوں “سپاہ قدس”ءُ “بسیج عشایر” بلوچ راج ءُ بلوچستان ءِ راجی جنزا باز تاوان دیگ انت۰ ھما سرمتابیں بلوچ ورنا کہ پہ ڈیہ ءِ آجویی ءَ پادآتکگ انت درآمدانی پندلانی دام ءَ ماں  تّرینگ ءُ شھید کنگ بنت۰ 

اگاں شما  “سپاہ قدس”ءِ رستری کارکرداں گوں ھورت چاری ءُ زمّہ واری چار ءُ بیچار مہ کنیت ءُ اے مزنیں اڑءُ مسئلہ ءَ  زوت گیش ءُ گیوار مہ کنیت  گڑا دلجم بئیت کہ دیمترا ھم پاکستانی آی۰ اس ۰آی  ءُ “سپاہ قدس” ھوری ءَ باھوٹیں بلوچ ورنایاں یک یک درچننت ءُ کشنت ۰  

شما را اے گپ ھم زانگی انت کہ  “سپاہ قدس” ءُ ھامنہ ای ءِ ناشریں “ولایت فقیہ” پہ بلوچستانءِ راجی جنز ءَ سریں پروش کنگءَ لوٹنت کوردستان ءِ وت ماں وتی ءُ دوارسوچیں جنگ ءَ ماں بلوچ ڈیہ ھم روک بہ کننت۰ 

پروشــت ءُ پــروش باتنــت ايران ءُ پاکستـان

 آزات ءُ آباد بات گنجيــــــں بلوچستــــــان 

محمــد کـريــم بلـــوچ

اکتبر ۲۰۱۸

Share on
Previous article

آیاعربستان سعودی بہ منابع طبیعی ومعادنِ بلوچستان چشم دوخته است؟

NEXT article

بلــوچ هُـــژّار

LEAVE A REPLY