دو دانک گوں رودراتکی بلوچستان ءِ راجی رھشوناں

MUST READ

پرچہ! بلوچستانءِ وانگجاہ آس دیگ بنت؟ گپ و ترانےگون بلوچ احوالکار کیاّ بلوچءَ

پرچہ! بلوچستانءِ وانگجاہ آس دیگ بنت؟ گپ و ترانےگون بلوچ احوالکار کیاّ بلوچءَ

آزاد بلوچستان کی جنگ سب بلوچوں کو ملکر لڑنی هونگی – بی جے پی کے ترجمان انیل بالونی

آزاد بلوچستان کی جنگ سب بلوچوں کو ملکر لڑنی هونگی – بی جے پی کے ترجمان انیل بالونی

پاکستان اپنے دہشت گردوں کے ذریعے بلوچ وپشتون اقوام کے باشعورلوگوں کا قتل عام کررہا ہے : حیر بیار مری

پاکستان اپنے دہشت گردوں کے ذریعے بلوچ وپشتون اقوام کے باشعورلوگوں کا قتل عام کررہا ہے : حیر بیار مری

واجہ شھید پروفیسر صبا دشیاريءِ 26 اگست 2009ءَ بلوچستان لیبریش چارٹر ءُ آھيءِ رھدربريءِ بابتءَ تران

واجہ شھید پروفیسر صبا دشیاريءِ 26 اگست 2009ءَ بلوچستان لیبریش چارٹر ءُ آھيءِ رھدربريءِ بابتءَ تران

کسان سالیں بلوچ دُهتگان بی بی صورت ، سکینہ ءُ سمینہ انگت شکارپور سندهءَ قید انت – گپءُ ترانے گون یکے چا بیگواهیں بلوچ دُهتگانی ماتءَ

کسان سالیں بلوچ دُهتگان بی بی صورت ، سکینہ ءُ سمینہ انگت شکارپور سندهءَ قید انت – گپءُ ترانے گون یکے چا بیگواهیں بلوچ دُهتگانی ماتءَ

آج تک ٹی ويءِ گپ ترانے گون بلوچ قوم دوست رھنما واجہ حیربیار مريءً

آج تک ٹی ويءِ گپ ترانے گون بلوچ قوم دوست رھنما واجہ حیربیار مريءً

اعتراض کارشناسان سازمان ملل به اعدام بلوچ‌ها در ایران؛ درخواست اقدام فوری جهانی برای آزادی فعالان کرد ـ  بی بی سی

اعتراض کارشناسان سازمان ملل به اعدام بلوچ‌ها در ایران؛ درخواست اقدام فوری جهانی برای آزادی فعالان کرد ـ بی بی سی

Pakistani security forces attacked across Balochistan, Two PAF personnel killed in Pasni

Pakistani security forces attacked across Balochistan, Two PAF personnel killed in Pasni

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

ھَشر ءُ کمک کاری گرانبھائیں بلوچی دود اَنت

ھَشر ءُ کمک کاری گرانبھائیں بلوچی دود اَنت

واجہ شھید غلام محمد بلوچءِ آخرین تران گون گوانکءَ, واجہ ءِ اے تران 1 اپریل 2009 گرگ بوتگ

واجہ شھید غلام محمد بلوچءِ آخرین تران گون گوانکءَ, واجہ ءِ اے تران 1 اپریل 2009 گرگ بوتگ

توهین، فحاشی و پرخاشگری بخشی از فرهنگ و زبان پارسی است

توهین، فحاشی و پرخاشگری بخشی از فرهنگ و زبان پارسی است

به گروگان گرفتن زنان و کودکان بلوچ اوج ذلت وحقارت اشغالگران

به گروگان گرفتن زنان و کودکان بلوچ اوج ذلت وحقارت اشغالگران

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – اولی بهـر

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – اولی بهـر

نواب مری کو بھی کاہان کوہستان مری لے جانے کے بجائے نیوکاہان کوئٹہ میں اپنے فکری ساتھیوں کے قبرستان میں سپرد خاک کیا جائے۔حیربیار مری

نواب مری کو بھی کاہان کوہستان مری لے جانے کے بجائے نیوکاہان کوئٹہ میں اپنے فکری ساتھیوں کے قبرستان میں سپرد خاک کیا جائے۔حیربیار مری

دو دانک گوں رودراتکی بلوچستان ءِ راجی رھشوناں

2020-03-23 08:02:06
Share on

بلوچستان بلوچ راجءِ ڈیہ ءُ ھنکین انت۰ ملک ءِ زِرباری، شمالی، روکپتی ءُ رودراتکی بھر ھر بلوچے ءِ وتن انت۰ بلئے بلوچ دژمنیں درآمداں مئی ڈیہ ءَ آوار جتگ ءُ بلوچ راج اِش سک نگیگ کرتہ۰ بلوچ راجدپتر پیش داریت کہ درآمدیں دژمن پہ مئے ایردست دارگ ءَ ھوری  پندل سازاتگ ءُ بے شمار بلوچ اِش کشتگ ءُ کوشارینتگ۰

ھنوں چشیں دَورے کہ بلوچ راج ءِ دژمن وتی سیاست، چست ءُ ایر ءُ بلوچ دژمنیں کارکرداں سیستماتیک کتگ اَنت۰ شما سھی ءُ سرپد ھست ایت کہ ایران ءُ پاکستانی لشکر ءُ سپاہ ءُ بھرے چہ اوگانستان ءِ واکداراں گوں یکدگرا ھمشورین ءُ ھوریں ادارہ ھست۰  اگاں کسّے سھی نھنت ھنوں سھی بیگی اِنت کہ پہ بلوچانی ایردست دارگ ءُ  بلوچستان ءِ ملی سرمایہ ھانی پل ءُ پانچ ءَ پارس ءُ پنجاپ ءِ  بلوچ دژمنیں  زورانسر ءُ رستریں سروکاں ھر پڑےءَ ھوریں ادارہ ءُ کمیتہ ھست انت۰

کم ءُ گیش سی سال انت کہ اسلام آباد ءُ طھران ءِ  سیاسی، لشکری، جاسوسی ءُ تجارتی ادارہ ءُ کمیتہ برجاہ اَنت ءُ ایشانی مکسد بلوچ راجءِ ایردست دارگ ءُ بلوچستان ءَ مدامی زوربرد کنگ انت۰ اے پہ وتی شومیں مکسدانی پورہ کنگ ءَ ھما بلوچ کُشی ءُ رستری کنگاینت کہ ماں بلوچستان ءِ راجدپترا کم دروراِنت۰ 

طھران ءِ واکداراں آواجتگیں ڈیہ ءِ روکپتی بھرا سپاہ پاسداران ءِ دستا داتہ ءُ بزاں یک کٹریں تروریستی ٹولے یے گوں وتی درملکی بھر بزاں” سپاہ قدس ” روکپتی بلوچستان ءِ ھاکم اَنت۰ اے ٹولی ءِ ایدیولوژیکی  بُن ھشت شیھہ دوازدہ امامی ءُ “ولایت فقیہ  اِنت۰ “ولایت فقیہ” ھمینی ءِ وسّاچیں ٹولی انت۰ “سپاہ قدس  “ولایت فقیہ” ءِ پگری ادارہ ءُ لشکری ھوربند انت۰ اے ھمینی ءُ ھامنہ ای ءِ مرید ءُ بندہ انت۰ “ولایت فقیہ” انسان  دژمن ءُ کٹریں شیھہ دوازدہ امامی ٹولی دگہ مذھب ءُ گئیر شیھہ یانی ھکّاں پہ بیہ نہ منّ انت۰

اے مذھبی ٹولی لوٹیت گئیر شیھہ یاں پہ زور ءُ پندل شیھہ بکنت یا کہ ھست ءُ وجود اِش  گارءُ گمسار بکنت۰ بھایی، یزیدی ءُ تن تن سُنّی مسلمانان اے ٹولے ءِ رستری کارکرد ءِ آماچ انت۰ همے پدمنتگیں ٹولی ھور گوں پارس فاشیستاں دس ماں دست انت ءُ ایران ءِ ایردستیں راجاں بزاں میلیوناں تورک، کورد، بلوچ، تورکمن، عرب لاحوازی ءِ زند ءُ زند جاور اِش چہ جھندم ءَ گنتر کتگ۰ ھمے مذھبی ٹولی ءُ «سپاہ قدس» اَنت کہ شام ءِ بشاراسد،  لبنان ءِ حزب اللہ، بگداد ءِ حشد شعبی ءُ یمن ءِ حوثی یاں ھر وڑیں کمک ءُ مدت کنگ انت،  اشانی ایدیولوژی ءُ فلسفی بُن ھشت مشترک اِنت۰ اے میان ملکی تروریسم ءِ ونڈے اَنت۰ 

شما وت سیاسی  ءُ بلکیں وانندئیں مردم ایت ءُ اندازہ جت کنیت کہ روکپتی بلوچستان چونیں زالمانی ایردست اِنت۰ ھنوں ھبر تچک بہ بنت گھتر انت۰ اے پدرانت گوستگیں شش سال ءِ درگت ءَ سپاہ، سپاہ قدس ءُ بسیج عشایرءَ  گوں لھتیں چہ شمئے مردماں سلام الیک ءُ “رابطہ ” ھست ءُ رودراتکی بلوچستان ءِ شمارے جهدکار شمئے ھبر زرتگ ءُ مگربی بلوچستان ءَ آتکگ  ءُ اداں ایرانی واکدارانی میار بوتگنت۰  البت سپاه پاسداران آهاں په  ڈکّے ( شرطے)  ماں بلوچستان ءِ گِہ، پھرہ، سرباز، سراوان ، چهبار ءُ دشتیاری ءَ جلّتگ اَنت۰

او بلوچ اوبادگاں!  گجرانی مزنیں ڈکّ بزاں “شرط” ایش انت که باھوٹیں ورنا گوں بسیج ءُ سپاه ءَ همکاری بکننت اگاں ناں آهانی آسر شهید عابد زامرانی، شھید نسار بلوچ، شھید ماجد بلوچ ، شھید احمد ءُ چار دگہ  بلوچ ورناےءِ  وڑا بیت که ماں مگس ءُ دشتیاری ءَ کشگ بوتگنت۰  بلوچ ورنایانی کشگ ءِ مستریں سَوَب ایش  کہ آ شھیداں مگربی بلوچانی ھلاپ ءَ گوں درآمدانی سپاہیگاں ھمکوپگ نہ بوتنت۰ آ شھیداں گوں وتی ساہ ءُ زند ءِ ندر کنگ ءَ دوست ءُ دژمن ءَ گُوشت کہ  وتی ڈیہ ءِ روکپتی بھرا پہ برات کشی نیاتکگ انت۰

پکائیں ھالانی ردا رُمبے سرپدیں بلوچ ورنا کہ پہ باھوٹی ءَ روکپتی بلوچستان ءِ شھراں آتکگ اتنت ءُ نہ لوٹتگت اِش  گوں گجراں ھمکاری بکننت پدا ملک ءِ کوھانی میار بوتگنت یا کہ  در ملکاں شتگ ءُ اوداں باھوٹی ءَ نشتگ اَنت۰

مئے مزن شانیں راجدپتر گواہ انت کہ روکپتی بلوچستان  (ایران ءِ آوارجتگیں بلوچستان) ءِ جھد گوستگیں کرن (سد سال)  ءَ  گوں وڑڑیں گِروچیلاں دیم پہ یم بوتہ بلئے  باھوٹیں ورنایانی آیگ ءُ سپاہ ءِ میاربیگ ھنچیں گرانیں مشکلے کہ ایشی ءَ شما وَت گیشینت کنیت ءُ بَس۰ 

شما ءُ شمئے ھوربند وت مستر ءُ آزات اَنت کہ گوں کئے ءُ کجام ملکاں  دَے گِر دیوان ءُ مذاکرہ یا رابطہ بکنیت بلئے  رابطہ گوں “سپاہ قدس”ءُ “بسیج عشایر” بلوچ راج ءُ بلوچستان ءِ راجی جنزا باز تاوان دیگ انت۰ ھما سرمتابیں بلوچ ورنا کہ پہ ڈیہ ءِ آجویی ءَ پادآتکگ انت درآمدانی پندلانی دام ءَ ماں  تّرینگ ءُ شھید کنگ بنت۰ 

اگاں شما  “سپاہ قدس”ءِ رستری کارکرداں گوں ھورت چاری ءُ زمّہ واری چار ءُ بیچار مہ کنیت ءُ اے مزنیں اڑءُ مسئلہ ءَ  زوت گیش ءُ گیوار مہ کنیت  گڑا دلجم بئیت کہ دیمترا ھم پاکستانی آی۰ اس ۰آی  ءُ “سپاہ قدس” ھوری ءَ باھوٹیں بلوچ ورنایاں یک یک درچننت ءُ کشنت ۰  

شما را اے گپ ھم زانگی انت کہ  “سپاہ قدس” ءُ ھامنہ ای ءِ ناشریں “ولایت فقیہ” پہ بلوچستانءِ راجی جنز ءَ سریں پروش کنگءَ لوٹنت کوردستان ءِ وت ماں وتی ءُ دوارسوچیں جنگ ءَ ماں بلوچ ڈیہ ھم روک بہ کننت۰ 

پروشــت ءُ پــروش باتنــت ايران ءُ پاکستـان

 آزات ءُ آباد بات گنجيــــــں بلوچستــــــان 

محمــد کـريــم بلـــوچ

اکتبر ۲۰۱۸

Share on
Previous article

آیاعربستان سعودی بہ منابع طبیعی ومعادنِ بلوچستان چشم دوخته است؟

NEXT article

بلــوچ هُـــژّار

LEAVE A REPLY