دُزّآپ ءِ بُلـوارِ (زاهدانِءِ چوک) بلوچستـــان

MUST READ

بولانءَ پاکستانی فوجءِ آپریشن انگت برجم انت – ریڈیو حال

بولانءَ پاکستانی فوجءِ آپریشن انگت برجم انت – ریڈیو حال

منی پت شہید ڈاکٹر منان ءِ لہتیں یات – ذیشان بلوچ

منی پت شہید ڈاکٹر منان ءِ لہتیں یات – ذیشان بلوچ

کئے لــڈینگ ءُ بلوچستـــــان ءَ آرگ بنــت ؟

کئے لــڈینگ ءُ بلوچستـــــان ءَ آرگ بنــت ؟

تجاربی خونین از مذاکرات با اشغالگران

تجاربی خونین از مذاکرات با اشغالگران

کوششوں کے باوجود قومی اتحاد اور اصولی اشتراک عمل کے حوالے سے نہ کوئی پیش رفت ہو رہی ہے نہ ہی کسی قسم کے مزاکرات ہو رہے ہیں۔ مزاکراتی کمیٹی کا بیان

کوششوں کے باوجود قومی اتحاد اور اصولی اشتراک عمل کے حوالے سے نہ کوئی پیش رفت ہو رہی ہے نہ ہی کسی قسم کے مزاکرات ہو رہے ہیں۔ مزاکراتی کمیٹی کا بیان

خصومتِ دولتِ ایران با زبان بلوچـی و دلایلِ آن

خصومتِ دولتِ ایران با زبان بلوچـی و دلایلِ آن

اسکاٹ لینڈ اور بلوچستان – کردگار بلوچ

اسکاٹ لینڈ اور بلوچستان – کردگار بلوچ

شعار” آزاد بلوچستان” در بلوچستان اشغالی طنین افکن شد

شعار” آزاد بلوچستان” در بلوچستان اشغالی طنین افکن شد

بلوچ راجی مزن جهدکار واجہ عبدالصمد امیریءِ زندتاک، دیوانے گون واجہ اسماعیل امیریءَ اوّلی بهر

بلوچ راجی مزن جهدکار واجہ عبدالصمد امیریءِ زندتاک، دیوانے گون واجہ اسماعیل امیریءَ اوّلی بهر

بلوچ سرزمین پر قابض ریاستوں کا بلوچ دشمن خندقیں اور دیواریں کھڑی کرنے کا مشترکہ شازش

بلوچ سرزمین پر قابض ریاستوں کا بلوچ دشمن خندقیں اور دیواریں کھڑی کرنے کا مشترکہ شازش

درماندگی فاشیسم تمامیت خواه پارس

درماندگی فاشیسم تمامیت خواه پارس

بلوچ راجءَ پا آجوئیءَ گون دُگنیاءِ دموکرٹیکین ملکان نزیکی لازم انت – نمیرانین واجہ عبدالصمد امیری

بلوچ راجءَ پا آجوئیءَ گون دُگنیاءِ دموکرٹیکین ملکان نزیکی لازم انت – نمیرانین واجہ عبدالصمد امیری

Balochistan Liberation Charter to be made public soon

Balochistan Liberation Charter to be made public soon

بلوچستان کے علاقے تمپ گومازی میں سیکورٹی فورسز کا فوجی آپریشن آغاز – بلوچ ہیومن رائٹس آرگنائزیشن

بلوچستان کے علاقے تمپ گومازی میں سیکورٹی فورسز کا فوجی آپریشن آغاز – بلوچ ہیومن رائٹس آرگنائزیشن

بلوچستــــانءِ هیروشیمـــا

بلوچستــــانءِ هیروشیمـــا

دُزّآپ ءِ بُلـوارِ (زاهدانِءِ چوک) بلوچستـــان

2020-03-27 17:32:31
Share on

اِیرآپ یا دُزّآپ گلزمیــن ءِ گنجیـں بهـرے اِنت که هنوں « زاهدان » گوشگ بیت۰ رند چه پارسیانی لَدیگیـں لشکرءِ هِلگر ءُ بلوچانی ڈیه ءِ آوار جنگ ءَ هشتاد و پنج سال ءَ پیش رضا میرپنچ مئے مُلـکءِ شهـرءُ میتگ ءُ جاگه هانی نام په زوربدلینگ ءِ پندل ءَ کارگپت۰
دزآپ ءِ باروا مُلـکءِ پیریں مردم گوشنت که وهدیگیں زمانگ ءَ اوداں کِکّ ءُ گزّانی بَزیں جنگلے بوته۰ گیش چه کَرنے ءَ پیش گورگیج ٹکّ چنت کهـن ( کاریز) همودان جننت ءُ هُدامرزی مراد گورگیجءِ کهن اولیگین اَت که کِشت ءُ کِشاری زمینانی سرا رسیت۰
اِیرآپ یا دُزآپ پیش چه ایشی ءَ شهرے به بیت گورگیج ٹکّ ءِ میتگے بوته ءُ اوداں کَورے ءِ آپ ماں ڈل ءُ ریکاں ایر شته ءُ رند چه شاهگانیں زمین ءُ گیلگانی گوازینگ ءَ دیمترا چه زمین ءَ در آتکگ ءُ رُمب اِتگ۰ هما هَندا که آپ گار بوته یا ماں زمین اِیرشُته اِیرآپ یا دُزّآپ گوشگ بوتگ۰
دُزآپ شهدیں بلوچی زبان ءِ لبزے اَیت که آیی ءِ مانا ایش اَنت: هما جاه ءَ که آپ گار بیت، زمین بزاں ڈگار آپ ءَ دُزّاِیت یا ِاِیر بارت۰ ڈنی یں پارسیاں که بلوچانی مُلک آوارجت اے بلوچی لبزاں په بیه سرپد نه اتنت ءُ انگت ءَ هم نه لوٹنت سرپد به بنـت۰ آ اِشکتـگ اَت که جاگه ءَ دزآپ گوشَنت ۰بلوچــی لبـزءِ « دزآپ » ءَ ماں پارسی زبان ءَ ترینـت ءُ « دُزدآب » اِش کت، بزان دُزّانی آپ ! گڑا بے بنیاتیں کِسّه اے هم پیم اَش کـت تاں ایرآپ یا دُزّآپءِ بلوچـی نام ءَ بدل بکننت۰ جاهلیں ڈنی یانی کِسّه اے وڑاَت که دُزآپ یک آپسرے بوته که دُزاں آتکگ ءُ آپ وارتگ ءُ اوداں دم اِش ساراِتگ!
آ بلوچ دژمنیں جاهلا ں همیشے ءَ یک دلیلے په ایرآپ ءِ نام ءِ بدل کنگ ءَ زانت ءُ ایرآپ ءِ جوانیں نام اِش هشتاد ءُ پنچ سال پیش ءَ «زاهدان» کت۰ مدتے رند چه دزآپ ءِ نام ءِ بدلینگ ءَ جار جنگ بوت که « زاهـدان » بلوچستـان ءِ بنجاهی شهـر انت ءُ ڈنّی یں زابلی چو مُور ءُ مَـدَگ چه مَشَد، کرمان ءُ هـرات ءَ آتک ءُ اوداں جاهمنند بوتنت۰
بُلـوارِ بلوچستـــان
« بُلـوار » بیه ءَ یک هلندی لبزے ایت ءُ هما شهری راه یا سڑک اِش گُوشنت که ماں میانجینی بهراش درچک، سبزی ءُ گُـل کِشگ بیت۰ بلوار ءِ لبز ماں بازیں زبان کارمرز بیت۰ ایرانی هم اے لبزءَ کارمرز کننت۰ ایرآپ ءِ شهرا چشیں بُلوار هست اَنت ءُ یکّے چه همیشانی نام « بُلوار بلوچستـان » اَت که کسانیں بورڈ یا تابلوے ءِ سرا نبشته کنگ بوتگ اَت۰ بلـوچ دژمنیـں زابلی ءُ ڈنی لشکـر ءُ سپاه همے تابلـوءِ سـرا هم وتی کینگاں درشاں کرت ءُ اولسرا بلوچستــان ءِ پُلیـں نام ءِ سـرا رنگ اِش جـت ءُ مدتے ءَ رنـد بورڈءِ جند اِش دُزاِت ءُ گار کـرت۰
رند چه رستریں رفسنجانی ءِ مُـردار بیگ ءَ زابلی ٹولی ءُ سپاه ءِ وتسریں سروکاں پیسله کـت که « بُلـوار بلوچستـان » ءِ نام ءَ بدل کننـت ءُ « بلوارِ هاشمی رفسنجانی » ایر کننـت۰ اداں گوشگی انت که آ مُرداریں لَدیگ یکّے چه هنونیں مذهبی هکومت ءِ هونــوار ءُ زورانسریں آرشیتکتان اَت ءُ آیی ءَ ماں وتی ابلیسی زنـد هما زلم ءُ زیادتی گوں بلــوچ راج ءُ بلوچستــان کت که دگه هچ زالمے نه کتگ۰
گوں « بُلوار بلوچستــان » ءِ نام ءِ دور کنگ ءَ ایرآپ ءِ شهرداری ءِ بے ساریں بلــوچ نمایندهاں که بی واک اَنت سَکّ میاریگ بوتنت۰ آ دیست که شهـرءِ بلــوچ مهلوک نارزا ینت۰ گڑا زوت گوں زابلی ٹولی ءُ سپاه ءَ شَوراِش کت ءُ یک کسانوکیں بورڈے بزاں تابلوے تیار اِش کت ءُ ڈنّ چه شهرءَ یک پُلگی راهے ءِ سرا اکس گپت ءُ جار اِش پرینت که « بلوار بلوچستــان » همے راه انـت۰
اداں پدر کنگی انت که مُلک ءِ هرجاه مئی وتن ءُ گلزمین ءِ کیمتی بهـراَنت۰ هشتاد و پنج سال انت که جاهلیں ڈنّی دژمں گلزمین ءِ بازیں راه ءُ پارک ءُ جاه ءَ وتی مردگانی نام ایرکتگ بلئے هنوں پیش دارگ اَنت که په مئی میتگ ءُ شهـر ءُ راه ءُ سڑکانی بلوچی نامانی بدل کنگ ءَ رازی نهنت ءُ آهانی مستریں ابلیسی مکسد مُلک ءِ بهربهر کنگ ءُ بلوچستــان ءِ پُلیں نام ءِ دورکنگ ءُ بدلینـگ اِنت تاں بلوچ ءِ راجی وجود ءُ مئے ماتی زبان ءُ راجی پجّارءَ بیگواه بکننت۰ په مُلـک ءُ بلــوچ راج ءِ نَپ ءُ سیت اِنت که هـر وڑءَ بوت کنت مه هيلیں تنکه ڈنّی یانی ناهودگیں واب پوره به بنت ۰
دلجم ءُ ایکیـم اوں آ دؤرآیگ اِنت که رستریں ڈنّی یانی نام ءُ نشان ءُ پاپَداں هم به سوچیــن ءُ چه پاکیــں گلزمیـن ءِ سرا گار کنیـں۰

آزات ءُ آباد بات گنجيـــں بلوچستـــــــــان

پروشت ءُ پروش باتنـــت ايران ءُ پاکستان

محمــد کریــم بلــوچ


Share on
Previous article

سیاسی کارکن سلیمان بلوچ اور دوسرے شہدا کے کاروان کو آگے لے جانے کی بھر پور صلاحیت رکھتے ہیں۔ خلیل بلوچ

NEXT article

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

LEAVE A REPLY