دیـزل ( گازوئیـل ) ءِ مافیـایی سوداگِـری

MUST READ

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

تمپ و گومازیء پاکستانی فوجی آپریشنء بابتء بلوچ ہیومن راٹس آرگنائزیشن ء سروک بی بی گل بلوچء گو ن گپ تران

تمپ و گومازیء پاکستانی فوجی آپریشنء بابتء بلوچ ہیومن راٹس آرگنائزیشن ء سروک بی بی گل بلوچء گو ن گپ تران

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

بلوچ راجی مزن جهدکار واجہ عبدالصمد امیریءِ زندتاک، دیوانے گون واجہ اسماعیل امیریءَ – سیمی بهر

بلوچ راجی مزن جهدکار واجہ عبدالصمد امیریءِ زندتاک، دیوانے گون واجہ اسماعیل امیریءَ – سیمی بهر

بلوچی زبان بلوچانی میراث انت

بلوچی زبان بلوچانی میراث انت

بلوچستان سمینار اسٹوکھولم سویڈنءَ پروفیسر ڈاکٹر مصطفےءِ تران

بلوچستان سمینار اسٹوکھولم سویڈنءَ پروفیسر ڈاکٹر مصطفےءِ تران

بلوچستان میں اسلامی ایٹمی تجربات کے اثرات نے چاغی میں 200 سے زائد اونٹوں کی جان لی

بلوچستان میں اسلامی ایٹمی تجربات کے اثرات نے چاغی میں 200 سے زائد اونٹوں کی جان لی

شهید ڈاکٹر منانءَ سلح بندین جهدءِ کمانڈر گواشگ سرفراز بگثیءِ نازانتی انت – حمل حیدر

شهید ڈاکٹر منانءَ سلح بندین جهدءِ کمانڈر گواشگ سرفراز بگثیءِ نازانتی انت – حمل حیدر

An interviw with Smruti S. Pattanik Institute for Defence Studies and Analyses

An interviw with Smruti S. Pattanik Institute for Defence Studies and Analyses

لالچ ءُ پاکستان: پت ءُ چُک یا چُک ءُ پت؟

لالچ ءُ پاکستان: پت ءُ چُک یا چُک ءُ پت؟

ڈیره بگٹی ءُ پنجگورءَ 7 بلوچ ورنا بیگواه کنگ بوت انت – ریڈیو حال

ڈیره بگٹی ءُ پنجگورءَ 7 بلوچ ورنا بیگواه کنگ بوت انت – ریڈیو حال

چرا معافیت بندر چَهبار (چابهار) از تحریم های بین المللی به ضرر ملت بلوچ است؟

چرا معافیت بندر چَهبار (چابهار) از تحریم های بین المللی به ضرر ملت بلوچ است؟

ضرورت تشکیل جبهه مردمی در بلوچستان اشغالی

ضرورت تشکیل جبهه مردمی در بلوچستان اشغالی

بلوچستان ءِ پلین شهیدان ءَ هزاران سلام

بلوچستان ءِ پلین شهیدان ءَ هزاران سلام

پرچہ! بلوچستانءِ وانگجاہ آس دیگ بنت؟ گپ و ترانےگون بلوچ احوالکار کیاّ بلوچءَ

پرچہ! بلوچستانءِ وانگجاہ آس دیگ بنت؟ گپ و ترانےگون بلوچ احوالکار کیاّ بلوچءَ

دیـزل ( گازوئیـل ) ءِ مافیـایی سوداگِـری

2020-03-26 13:30:14
Share on

چنت سـال انت که دیزل بزاں گازوئیلءِ مافیایی مَزن سوداگِـر که گوں سپاه ءُ تهران ءِ واکداراں شریک اَنت په وتی نپ ءُ سیت ءِ هاترا آوارجتگیں بلوچستــان اِش وتی دوارسوچیں پندل ءُ کینگانی آماچ کتگ۰
ایران ءِ دیزل ( گازوئیل) ءِ بنزه
زانگی انت که دیزل چه نه پالائینتگیں ٹیل ءَ گِرَگ بیت۰ په اے کار ءَ نه پالائیتگیں ٹیل پکارانت ءُ پالایگ جاهے۰ اے دوئیں ایرانی واکداران ءُ سپاهءِ ناشریں سروکانی دست ءَ اَنت۰
ایران ءِ دولتی بزاں سرکاری ٹیل کمپنی (شرکتِ نفتِ ایران ) ءَ ماں اے شهراں پالایگ جاه (پالایشگاه ) هست که شپ ءُ روچ کار کننت: الاحواز ءِ عِبادان، لاوان، شیراز، اسپهان، تبریز، کرمانشاه، تهران ءُ گُمبدان (بندرعباس ). البت نه پالائینتگیں ٹیل ءَ چه لرستان ءُ آوارجتگیں الاحواز ءَ پُل انت ءُ دیم په وتی پالایگ جاهاں برنت.

” قاچاقی گازوئیل” ءِ بنزه ایران ءِ ٹیل کمپنی (شرکت نفت ایران ) ءُ ایران ءِ ٹیل، بنزینءُ دیزل ءِ سوداگری ادارءُ کمپنی انت۰ اشاں گوں سپاه سلمانءُ اْستانی واکدار( ماں کرمان، هراسان، پارس ءُ هرمزگان )، پارس سرمایه کار ءُ دو زابلی ٹولی ءِ شریکی ءَ گازوئیل ءِ سوداگری ءَ بنگیج کتگ ءُ په وتی نپ ءُ سیت ءَ برجاه داشتگ۰ البت شستون ءِ سیاهانی ٹولی، نوایی ٹولی، زابلی جهان تیغ ٹولی ءُ کیخا ٹولی ماں بلوچستانءَ دیزل ءِ مافیایی سوداگرانی دَلّار انت که په زرءِ هاترا هر کار کننت۰

هر روچ کم ءُ گیش سی لک لیتر (۳۰۰۰۰۰۰ ) دیزل چه رونشتی بلوچستان ءَ دیم په رودراتکی بلوچستان ءُ پاکستان ءَ لڈینگ بنت۰اے سی لک لیتر یک سد ءُ بیست تانکر(هر تانکرے ءِ گنجائش بیست ءُ پنج هزا ر لیتراِنت)ءِ پُراَنت۰ اے هساب ءً هما دیزل که چه جاشک ءُ میناب ءَ گوں یکدار ءُ لنج در کنگ بنت گیش کنگی انت۰
گوں ایرانی واکدارانءُ سپاه ءِ اجازت ءَ اے دیزل گوں بیست ءُ پنج هزار لیتری تانکراں چه پالایگ جاهاں دیم په بلوچستان آرگ بنت۰ اداں هم چه جاشک ءَ بگر تان ایرآپ، چه بم ءَ بگر تان میناب ءُ دشتیاری هزاران بلوچ ورنا بیکار ءُ بی روزگار اَنت۰اے ورنایانی بی روزگاری ایرانی واکداران ءُ سپاه ءِ بلوچ دشمنیں سیاستانی بَروَرداِنت ۰اے ورنا ءُ اشانی لوگ مردماں ورگ ءُ پچ ءُ پوشاک پکار انت۰همے جاورا ایرانی زورانسریں واکداراں وتی دوارسوچیں برنامه یاں بی روزگاریں ورنایانی باروا پوره کننت ءً آهاں ماں اے سوداگری هورتریننت۰
دیزل ءِ سوداگریءِ سوب
دیزل ءِ سوداگریءِ سوب ایش اَنت:
* ایران ءِ ٹیل کمپنی (شرکت نفت ایران ) ءِ کارمسترانی آهیری
* سپاه ءِ پلینڈی ءُ بلوچ دژمنیں برنامه
* دیزل ءِ نیاد ماں پاکستانءَ۰ یک لیتر دیزلءِ نیاد ماں ایران ءَ پانزده «سِنت» انت ءُ ماں پاکستان ءَ گیش چه یک دلار اِنت۰
همے سَوَب ایرانی واکدار ءُ سپاه ء چنت سُوب یکجاه داتگ۰ اول ایش که ایشاں همک روچ لکانی لک دلارنپ ءُ پائدگ رسیت۰دوم اشاں یک بهانه بزاں نیمونے دست کپتگ تاں مهنت کشیں بلوچ ورنایاں لٹ کٹ بکننت یا زندکا به سوچین اَنت۰ سَیُم جار جننت که بلوچ «قاچاقچیِ گازوئیل » اَنت ءُ هر سپاهیگے گوں تیر ءُ راکت ایشانی سواری ءُ باری ماشیں بزاں موٹلاں جت کت ءُ آس مانداشت کنت۰ باز رندا هنچیں مردمانی سرا تیرگواری بوته که آهاں ترمپے گازوئیل بزاں دیزل گوں نه بوتگ۰

دلگوش گور کنگی انت هما دیزل یا گازوئیل که بلوچانی دست ءَ اَنت «قاچاق» گوشگ بنت۰ایرانی سپاهیگ که ٹولی ٹولی اَنت هما دمان ءَ که بلوچ ورنا دیزل ءِ گالنے ءَ به لڈینیت گوں تیر ءُ تپنگ ءُ آر پی جی آییءِ رندا کپنت تاں « قاچاق وقاچاقچی » ءَ بگرنت! یا که دوئیں گوں ماشین ءَ تیر ءُ راکت بجننت ءُ آس به کشنت۰ اگاں گپت کت اِش کت ءُ گپتگیں مرد رشوه مه دنت آیی ءَ جیل کننت ءُ آیی ءِ مال بزاں دیزل ءَ دگه بزگیں بلوچے ءَ په بها دینت۰ اگاں جول ءُ رشوه بدنت یله کنگ بیت تاں دیمترا سپاهیگانی دگه ٹولی یے آیی ءِ رندا به کپیت۰اگاں مردءِ موٹل نه اوشتات گڑا گوں تیر ءُ راکتاں جَنَگ ءُ آس کشگ بیت ءُ ماں وتی هالتاک ءُ روتاکاں نبیس اَنت: « یک قاچاقچی سوخت »۰
ایرانی واکدارانی وتی مزنیں تانکر که دیم په بلوچستان روان انت تاں ڈنّ ءَ برگ به بنت هچ بر «قاچاق »زانگ نه بنت۰ هچ کس آهاں مآں کرمان، هُراسان ءُ شیرازءَ نه اوشتارینیت۰
بلوچ اوبادگاں زانگی انـت
بلوچ ورنایاں پوه ءُ سرپد بیگی انت که بلـوچ ءُ بلوچستـان ءِ دژمناں چوں چه آهانی بی روزگاری ءُ لاچاری ءَ باج برگاینت۰ باریں:
* آ زاننت که چنت پلوچ ورناءِ زند گوں ایرانی دیزل ماندارگ بوتگنت ؟
* کئے گشت کنت که چنت بلوچ گهار جنوزام بوته ءُ بلوچانی چنت زهگ چوره بوتگنت؟
* کئے زانت که «قاچاقِ سوخت»ءِ نیمون ءَ چنت بلوچ ٹپی ءُ زدگ بوتگ انت؟
* بلوچ ورنا زاننت که دیزل ءِ مافیایی مزں سوداگران ءُ سپاه ءُ پارس واکداران ءَ چه بلوچانی زندمانیءِ سوچگ ءَ چنکه نپ ءُ سیت رسیت؟
* آ سرپد انت که بلوچانی مالی تاوان چه اندازه ءَ دراَنت؟
* آ ایرانی میدیا، هالتاک ءُ روتاک دیستگ ءُ ونتگ اِش که چه بلوچانی سوچگ یا سرسوچ بیگ ءَ چنکه گل ءُ شادان انت؟
بلوچ اوبادگاں زانگی انـت که آهاں بے دروریں ملک ءُ ڈیهےِءِ واهند اَنـت۰ پارسءِ لشکر گوں جنگ ءُ کُشت ءُ کُشار گلزمیں اَدارُکی وتیگی کتگ۰ اے بلوچ ءِ سرزمین ءُ پجّار انت که بلوچاں پچ گرگی انت ءُ آزات کنگی۰
دگه هچ راهے پش نه کپتگ بید چه وتی بن پیرکی ملک ءِ آجو کنگ ءُ دست گِرَگءَ.
آوارجتگیـں بلوچستــان ءِ رونشتی بهـرکه پارس کوم ءَ زوربرد کتگ گلزمین ءِ رودراتکی شاهگانیـں بهرءِ پیما پُرگنج اِنت۰
گیش چه هشتـاد سال انـت که آهیریں پارس په وتی آسراتیءَ بلــوچ ءِ راجانی مال ءُ مڈی یاں پل ءُ پانچ کنگاینـت۰گوں وتی ڈیه ءِ میتگ ءُ شهرانی آبادترکنگ ءَ روچ په روچ آوارجتگیں بلوچستــان ویران ترءُ مئی زندجاوراں په کَست ءُ کینگ گَـنتـرکنگاینت۰وتی برنامه یانی ردا گنجیــں بلوچستــان ءِ دراهیــں راجی سرمایه ءُ مالاں پل ءُ پانچ کننـت ءُ دیم په بیرجند، مَشَد، شوشتر، قزوین، قم، تهران، اسپهان، کاشان، یزد، اردکان، کرمان ءُ شیرازءَ کَشّ انت ءُ برنت۰بلوچ گلزمیـن ءِ کدرتی سرمایه چُش که سُهر( تلاه)، آسن، گوکرت، منگنز، منیزیت، وڑوڑیں سنگ مرمرءُ دگه کیمتی ڈل ءُ ڈوک گوں لکانی لک کیلوناه هُرماگ ) ، گندم، پسته، اَمب، موز، کیٹگ ءُ دگه کشِت ءُ کِشاری بَرءُ نیبگ زوربرد کنگاینت.
آ چه گُلستانیں واش ءَ سالے پنجاه لک (۵۰۰۰۰۰۰ ) وشبوئیں پُل (گل رُز) گچین کننت ءُ برنت! بلئے پارس ءِ شهر ءُ میتگاں هزاراں سپاهیگ گوں “سرهنگ، سرگرد، سرتیپ”، تیر ءُ تپنگءُ جنگی ازباب راه دینت تاں بلوچ راجءَ لٹ کٹ بکننت ءُ گیشتر ایردست بدارنتءُ بلوچستان ءِ سرمایه یانی پل ءُ پانچ برجاه بدارنت۰ بازینے چه ایرانی زوالکاریں لشکر ءُ پئوج ءِ سپاهیگانی باور اِش انت که په “جهاد” بلوچستان ءَ آتکگ انت.
اے انسان دژمنیں ٹولی هما زلم ءُ زیادتی گوں بلــوچ راج ءُ بلوچستـــان کنگاینت که هچ کومے بید پنجاپی یاں گوں وتی همساهگاں نکتـگ۰
آزات ءُ آباد بات گنجيــــں بلوچستـــــــــان
پروشت ءُ پروش باتنـــت ايران ءُ پاکستان
محمـد کريــم بلــوچ
فروری ۲۰۱۷

Share on
Previous article

جئے سندھ متحدہ محاذ کے کارکن شهید سرویچ پیرزادہ کے والد لطف علی سے گفتگو

NEXT article

گزشته مہنے نومبر کو ردیگ مند ایرانی سرحد پر دو جگه بارودی سرنگ پٹنهے سے 8 بلوچوں کں موت واقع هوئی هے

LEAVE A REPLY