بلوچی زبان چون؟ کیا اڈ کتگ؟ اِے یک ھنچیں جاکے کہ انگت ءَ گوں کسّ ءَ سر ءُ بُن نہ بوتگ ۔ پرچہ کہ بلوچی زبان ساز ءُ سامانے نہ اِنت کہ کسّی ءَ اڈ کتگ بہ بیت ۔ بلوچی یک راجے ءِ زبان اِنت ءُ راجانی زبان وہد ءُ جاورانی باتن ءَ چِہ گوں راجاں ھور اڈ بوتگ اًنت۔بلوچی زبان ءِ بابت بازيں نابلداں پہ زور باز برءَ گٌشتگ کہ بلوچی زبان فارسی، عربی ءُ دگہ ہَندی زباناں چھ اڈ بیتگ۔ بلے اِے گپ اِے نابزانتاں کدی منینت کت

روایرشتی بلوچستان ءِ یک میتگے

 نہ کتگ۔اشانی پسو مئے زانتکاراں مدام مئے داتگ کہ بلوچی زبان ءِ تہا دگہ زبانانی ہچ لبز مان نیست۔ ھو بیت کنت ترکمانستان ءِ نندوکیں بلوچے وتی گپانی تہا ترکمن یا روسی یا اٌزبک زبان ءِ لھتے لبز کارمرز بکنت۔چُش ھم بیت کنت کہ افغانستان یا ایران ءِ نندوکیں بلوچے وتی گپانی تہا پشتو یا فارسی لبز ھوار بکنت۔ چوھم بیت کہ عربستان ءِ نندوکیں بلوچے وتی لبزانی تہا عربی ہوار بکنت۔چُش ھم بیت کہ سندھ یا کراچی یا پنجابے نندوکیں بلوچے وتی گپانی تہا سندھی یا اردو یا پنجابی ہوار بکنت۔ چُش ھم بیت کنت کہ زنگوبار ءِ نندوکیں بلوچے سواہلی، انڈیا نندوکے ہندی ءُ بنگلہ دیش نندوکیں بلوچے بنگالی لبز کارمرز بکنت بلے اشی مانا اِے نہ بیت کہ ہمے لبزانی مٹ ءُ بدل بلوچی زبان ءَ نیست اًنت۔اِشی ءِ مانا الم ءَ  اِش اِنت کہ آئی ءِ بلوچی نیزور اِنت پہ ھمے ھاتر ءَ آ بلوچی زبان ءَ گوں دگہ زبانانی لبزاں کارمرز ایت۔

اسکولی زھگے وتی کتاب ءَ پیشدارگ ءَ انت

اِد ءَ یک جُستے اِے الم ءَ چست بیت کہ بازیں ھند ءُ جاھاں نندوکیں بلوچانی بلوچی پرچہ نیزور بوتگ؟ یا وت بلوچستان ءَ بلوچانی گالوار یک دومی ءَ چھ پرچہ گِستا  ءَ جتا اٌنت؟ اِشی پسو ارزانیں لبزاں گوں ھمیش اِنت کہ بلوچی زبان ءَ چو دگہ زباناں وانگ جاھاں وانینگ نہ بووگ ءَ اِنت۔ بلوچی زبان ءِ بدل ءَ وانگ جاھاں فارسی، اردو، سندھی، انگریزی ءُ دگہ زبانانی تہا وانینگ بووگ ءُ بلوچی زبان ءَ ریڈیو، ٹی وی ءُ روتاکانی کمی ءِ پد ءَ بلوچی زبان باز نیزور تراِتگ۔

بلوچی زبان ءِ داں انگتی ھستی ءُ مانگ بلوچی ءِ زبان ءِ دستونک ءُ لچہ کار، آزمانکار،  ساز ءَ زیملی ازمکار ءُ گشندہ کارانی جھد ءُ واھگانی برورد اِنت۔اگاں ناں بلوچانی درامدیں ھاکماں مدام ھنچیں پندل ساز اِتگ کہ بلوچی زوت ءَ چھ زوت اِے دگنیا ءَ چھ ھلاس بہ بیت۔

بلوچستان ءُ  بازيں دگہ ھند جاہاں نشتگیں بلوچ بلوچی ءَ ابید بروھی، جدگالی ءُ لاسی زبان ءَ ھم ھبر کن اًنت۔ اِے ھر سہیں زبان ھم چو بلوچی زبان ءَ ھاکمانی بدنگھانی آماچ اًنت۔

بلوچی ءُ ایدگہ  زبانی دیمروئی ءِ ھاتر ءَ لوٹیت کہ بلوچ راہ دربر ہم وتی گل ءَ پارٹیانی لوٹانی تہا دگہ لوٹانی ھواری ءَ بلوچی،  بروھی، جدگالی ءُ لاسی  زبان ءَ ماں وانگ جاہاں وانینگ ءِ جہد ءَ  اھوار بکن اًنت۔ ءُ اِ ے زباناں ریڈیو، ٹی وی ءَ روتاک ھم دیم ءَ بیار اًنت