سپاهِ قُـدس ءُ آی۰ اِس۰ آی ءِ « مذاکـرات » ءِ پنـــدل

MUST READ

مغربی بلوچستان میرجاوه میں بلوچ طالبعلم کی آبادکار ٹیچر کے ہاتهوں شدید پٹائی

مغربی بلوچستان میرجاوه میں بلوچ طالبعلم کی آبادکار ٹیچر کے ہاتهوں شدید پٹائی

پاکستان نے دہشت گردی کا ابتدا بلوچستان پر قبضے سے کیا:حیربیارمری

پاکستان نے دہشت گردی کا ابتدا بلوچستان پر قبضے سے کیا:حیربیارمری

بلـوچستــان ءِ آزاتــی ءِ روچ مبـارک بـات

بلـوچستــان ءِ آزاتــی ءِ روچ مبـارک بـات

نہ چاہتے ہوئے بھی – کردگار بلوچ

نہ چاہتے ہوئے بھی – کردگار بلوچ

نوکترین ریڈیو حال

نوکترین ریڈیو حال

دنیا کو بلوچستان میں قتل عام و جبری گمشدگیوں پر خاموشی توڑنی چاہیے – ڈاکٹر اللہ نذر بلوچ

دنیا کو بلوچستان میں قتل عام و جبری گمشدگیوں پر خاموشی توڑنی چاہیے – ڈاکٹر اللہ نذر بلوچ

زمیں کا الَم – نوشین قمبرانی

زمیں کا الَم – نوشین قمبرانی

IVBMP -لاپتہ بلوچ اسیران کو جعلی مقابلوں میں شہید کرکے شدت پسند قرار دینا تشوشناک امر ہے

IVBMP -لاپتہ بلوچ اسیران کو جعلی مقابلوں میں شہید کرکے شدت پسند قرار دینا تشوشناک امر ہے

Baloch National poet Qazi Mubarak visits Voice for Baloch Missing Persons protest camp

Baloch National poet Qazi Mubarak visits Voice for Baloch Missing Persons protest camp

بلوچ نسل کشی میں تیزی لائی گئی ہے ، خلیل بلوچ

بلوچ نسل کشی میں تیزی لائی گئی ہے ، خلیل بلوچ

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

ایرانءِ بلــوچ دژمنیـں واکدارانی پنـــدل

ایرانءِ بلــوچ دژمنیـں واکدارانی پنـــدل

شهزانــــتیں صبا دشتیاری نمیران انت

شهزانــــتیں صبا دشتیاری نمیران انت

سویڈش پارلیمنٹءَ واجہ حیر بیار مريءِ بلوچستانءً انسانی حقانی لگتماليءِ پدر کنگءِ تران

سویڈش پارلیمنٹءَ واجہ حیر بیار مريءِ بلوچستانءً انسانی حقانی لگتماليءِ پدر کنگءِ تران

اقوام متحدہ، عالمی طاقتوں کی خاموشی بلوچ قوم کی لسانی اور ثقافتی نسل کشی کا باعث بن رہی ہے – ڈاکٹر اللہ نذر بلوچ

اقوام متحدہ، عالمی طاقتوں کی خاموشی بلوچ قوم کی لسانی اور ثقافتی نسل کشی کا باعث بن رہی ہے – ڈاکٹر اللہ نذر بلوچ

سپاهِ قُـدس ءُ آی۰ اِس۰ آی ءِ « مذاکـرات » ءِ پنـــدل

2020-03-26 12:28:08
Share on

بلوچستـان ءِ راجدپتـر پیش داریت که گوں ایرانی ءُ پاکستانی زورانسریں واکداراں « مذاکرات » کنگ هچ آسـر ءُ بَروَردے په بلــوچ راج ءَ بید چه سرمتابیـں سرانی زوال ءُ راجی جهدانی دیمپانی ءَ گوں نه بوتـگ ۰
پلینڈیـں پارس ءُ رستریں پنجاپـی واکداراں گوں دروگیں سوگند ده رندا گیش مئے راجی کَلانیں سروکاں په مذاکره کنگ لوٹائینتگ ءُ آهان اِش یا ماں دیوان جاهاںءَ گشتگ یا که دسگر ءُ بندی کتگ انت ءُ ماں کورچاتان اِش شـزا ءُ پاهـو داتگ اَنـت۰
مئی راجدپتـرءِ یک مزنیں دَرس ءُ اِندرِستے اِیش انت که مئے دژمنانی گورا « مذاکرات » یا گپ ءُ گال یک پندلے زانگ بیت ءُ بَس۰ اے هما جَـوریں تجربه اِنت که مئے مروچیگیں راجی رهشوناں اشی ءِ چکاسـگ ءِ کوشست ءَ مه کتیں گهتـراَت۰ اگاں چے دوارسوچیں « مذاکرات » ءِ پندل چه تهـران ءُ اسلام آبادءِ واکدارانی نیمگ ءَ هنوں کار مرز بیگا اِنت بلئے بلـوچ بایداِنت شیوار ءُ هژار به بنت۰
گوں « مذاکرات » ءِ رپک ءُ پندل بلــوچ راجءِ بی درورین ءُ برزیں سراں گُــڈّگ بوتگنت ءُ اگاں راجدپتـری تجربه یاں شموشگ به بنت ءُ کَسّے پـدا تهـران یا اسلام آباد ءِ چیروکایی مذاکرات ءِ ابلیسی دام ءَ ماں گیشّ اِت گـُڑا اے وت کُشــی اِنـت ءُ تباهـی۰ ماں دژمنانی رپک ءُ پندلانی دام ءَ کَپگ بی اُگده ای اِنت ءُ راجی جنز ءِ سریں پروش کنـگ۰
چشیں سیاسی ناسرپدی دژمنانی سوب انت۰ هنوں هبـر وَ چه هلـوت ءَ گوستگ ۰ گِندگائیــں که بلوچ کشیں سپاه قدس وتی پندلاں گیش کتگ ءُ مذاکـراتءِ دام اِش پیش چه نزّآرینـگ ءَ گوں ڈالَـرءُ زَرّ سمبهینتــگ۰ اداں چنت گپ گوں بلوچستــان ءِ درستیـں راجی رهشوناں هاسـکار گوں نوک بَـروت ءُ ناپُهته ئیـں « کمانڈر » کنگی اِنت تاںکہ نه گوَشتگیـں گپے پَشـت مَـه کپیـت۰

ـ هــر وهـدا که دشمـن نـزور بوتگ انت، گڑا آ بلوچاںی کماش اِش گوں بدنیتی په « مذاکــره » ءَ لوٹائینتگ انت ۰
ــ پارس ءُ پنجاپی یاں په مذاکـره ءِ نیمـون ءَ هوری رپک ءُ پندل سازاَنت تاں بلوچانی راجی جهداں پروش بدینت۰
ــ گُستاهیـں دشمناں مُدام وت پیسله کتگ که مذاکره کجام جاگه ءُ چه وهــدا به بیـت.
ــ دوتل ءُ دوپوستیں پارس ءُ پنجاپی واکداراں پیش داشتـگ که په دروگیں سوگند ورگءَ مُدام تیارنت۰ هرچیزے ءِ سرا کَسَم ورنت تاں بلوچانی سروکاں په آسانی ءَ به ریپین انت۰
ــ آ میارجلـی ءُ مهمان داری که مئی بلوچانی راجی دود ءُ ربیدگ ءِ بهـرے انت ماں مئے دژمنانی زند ءُ دود ءُ ربیدگ ءَ په بِیه نیسـت۰ میر دوست محمد هان ءِشهادت ماں تهران (۱۹۲۹ عیسایی ) ءُ احمدیار هان ءِ په زور جَلّینـَـگ ماں کراچی ( ۱۹۴۸ عیسایی ) ءَ اے گپ ءِ دو پَدّریـں دَرورانت۰
ــ بلوچ راج ءِ دژمناں هنوں گندگاینت که بیداریں بلوچانی راجی جنز دیمروی کنگ اِنت ءُ سیاسی زانتکآر ءُ سرمتابیں سر چِست اَنت۰ آ هَمُـک پلینڈی ءُ انسان دژمنیں کار کننت تا همے برزیں سرآں به گُـڈانــت۰
ــ اسلام آباد ءُ تهـران ءِ واکداراں بلــوچ ءُ بلوچستــان ءِ هلاپ ءَ همشور ءُ تپاک اَنت۰ آهاں جاسوسی، اقتصادی، سلهبندی ءُ سیاسی همکاری هست تاں بلوچستان ءَ مدام وتی پنجگانی چیـرا بدارنت۰
ــ بلـوچ دژمنیں ایران ءِ واکدارانی دگه پندلے ایش انت که رودراتکی ءُ رونشتی بلوچستـان ءِ راجی جهدکاراں به میڑینیت بزاں جنگ بدینت۰ په اے کارا هر وڑیں ابلیسی پنـدل کار مرز کنگاینـت۰ مئے بلــوچ براساں زانگی انت که ایرانی جاسوس ءُ سپاه هور گـوں پاکستانی آی۰اس۰ آی ءُ پنجاب ءِ پئوج بلوچانی هونی دژمن اَنت۰
ــ رونشتی بلوچستــان ءِ ناسرپدیں “بسیج عشایر” چه دژمـن ءِ دوارسوچیں پندلاں نآسهی انت۰ چنت نپر چه همے ٹولی ءِ کماش ءُ اسپیت ریش ءَ په کاسدی ءَ کارمزکنگاینت تاںکہ مئے بلوچ جهدکاراں ماں گلزمین ءِ روکپتی بهرا آسانتــر به ریپیـن اَنت۰
ــ اگاں ایران ءُ پاکستان په بلـوچ راجی جهدکارانی وت ماں وت میڑینـگ ءَ ماں هنونیں دَورا سوبیں به بنت گڑا هما داورسوچیں آس روک بیت که درستـاں سوچیت ءُ پُر کنت ءُ میاریگیں سروک اگاں مه سوچَنت بلئے ایکیم اوں که سرسوچ بنت ءُ زندکا پیلوشنت۰ دژمناں چه دوئیـں نیمـگ ءَ بلوچانی بربادی ءَ جشـن گرنت۰ چه هر نیمگے ءَ بلوچ تآوانبار بنت ءُ دژمنان باج بَرَنــت۰
ــ اگاں ایرانی سپاه قـدس ءُ آی۰ اس۰ آی په بلوچانی میڑینگ ءَ کامیاب به بنت گـُڑا بلوچانی پدریچ میاریگین ءُ ردوارتگیں سروکاں هچبر پَهـل نکننــت۰
گڈسرا اے گپ گوشگی انت که ملاهامنه ای ءُ سپاه قدس ءِ مستریں واهگ ءُ مکسد بلوچستـانءِ زوربرد کنگ انت۰ آ مزنیں پرشیاے ءِ ناهودگیں واب ءَ بُڈاتگ اَنت۰
پروشــت ءُ پــروش باتنــت ايران ءُ پاکستـان
آزات ءُ آبــاد بــات گنجيــــــں بلـوچستـــــــان
محمــد کـريــم بلــوچ
آپریل ۲۰۱۷

Share on
Previous article

روز شهــدای بلوچستـان گرامـی باد

NEXT article

پاکستان بلوچ اورافغانوں کا مشترکہ دشمن ہے : حیر بیار مری

LEAVE A REPLY