مـاتـی زبانءِ میان اُستمانـی روچ

MUST READ

حسیـن معروفـی کیست؟

حسیـن معروفـی کیست؟

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

شکست ایران بعنوان یک واحد سیاسی – جغرافیایی

شکست ایران بعنوان یک واحد سیاسی – جغرافیایی

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

لاپتہ بلوچ اسیران ،شہدا کے بھوک ہڑتالی کیمپ کو 1543ءدن گذر گئے

لاپتہ بلوچ اسیران ،شہدا کے بھوک ہڑتالی کیمپ کو 1543ءدن گذر گئے

پادآتکگیں بلوچ ورنایانی نامءَ

پادآتکگیں بلوچ ورنایانی نامءَ

بلوچستــــانءِ هیروشیمـــا

بلوچستــــانءِ هیروشیمـــا

شماری ازترفنـدهای اشغالگـران برای حفظ خط مرزی ژنرال ” گـُلد سميـت “

شماری ازترفنـدهای اشغالگـران برای حفظ خط مرزی ژنرال ” گـُلد سميـت “

صوفی باہوٹ چک پیر محمد سری کلگ پیدارک کیچ ءُ ولی محمد چک شکاری یوسف سولانی سری کلگ پیدارک کیچ بیگواهیءُ شهادتءِ حال

صوفی باہوٹ چک پیر محمد سری کلگ پیدارک کیچ ءُ ولی محمد چک شکاری یوسف سولانی سری کلگ پیدارک کیچ بیگواهیءُ شهادتءِ حال

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون پروفیسرعبدالواحد بزدارءَ

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون پروفیسرعبدالواحد بزدارءَ

گپ و ترانے کراچيءِ بلوچ آبادی لياری ءِ جاورانی سرا

گپ و ترانے کراچيءِ بلوچ آبادی لياری ءِ جاورانی سرا

بلوچستان سمینار اسٹوکھولم سویڈنءَ پروفیسر ڈاکٹر مصطفےءِ تران

بلوچستان سمینار اسٹوکھولم سویڈنءَ پروفیسر ڈاکٹر مصطفےءِ تران

جنگ عــرب و عجم

جنگ عــرب و عجم

شکست ایران بعنوان یک واحد سیاسی – جغرافیایی بخش دوم

شکست ایران بعنوان یک واحد سیاسی – جغرافیایی بخش دوم

دو دانک گوں رودراتکی بلوچستان ءِ راجی رھشوناں

دو دانک گوں رودراتکی بلوچستان ءِ راجی رھشوناں

مـاتـی زبانءِ میان اُستمانـی روچ

2020-03-25 21:45:15
Share on

بیســت ءُ یـک (۲۱) فــروری بنگــلادش ءِ راجدپتــرءِ همــا روچ انــت کــه تپاکیـں راجانـی هوربنـــد ءِ وانینـــگی ءُ دود ءُ ربیدگـــی بهــر بـــزاں یونسکــو ماں ۱۹۹۹ عیسایـــی ءَ مـاتی زبان ءِ میـــان استمانـــی روچ نامینــــت۰
رنــد چــه پاکستــان ءِ اڈ بیــگ ءَ هـــزاراں پــوه ءُ سرپدیــں بنگالــی ورنـــا پـــاد آتکنــت ءُ پـه وتـی مــُلـک ءُ راج ءُ ماتــی زبــان ءِ هاتــرا رونشتــی پاکستــان ءِ واکدارانــی دیمــا اوشتـات انــت ءُ محمــد علـی جنــاح ءِ پیسله اِش پاکستان ءِ رسمــی زبان ءِ باروا نـــه مـــــن ات. گوشگی انــت کــه مــاه مــارچ ۱۹۴۸ ءَ محمد علی جـناح ءَ جار جــت کـه رودراتکــی پاکستــان ( بنگــلادش ) ءُ روکپتــی پاکستان ءِ رسمــی زبـــان اردو انــت۰جناح ءِ بے بنیاتیــن ءُ وتسریں جارگـوں بنگالــی زبان ءُ بنگالــی مردمــاں مزنیــں زیادتـــیءُ زلمـے اَت. اردو زبـان ءَ بنــگلادش ءِ رسمــی زبـــان نامینــگ بنگالـی مهلــوک ءِ راجـی وجـود ءَ ســکّ پدرد کــرت. آوهــدا اردو زبان ءِ لــُکیــں اُمــر یک ســـد ءُ شســت ( ۱۶۰ ) ســال ءَ گیــش وَ نــه اَت۰ اردوزبان که چـه هنــدی، پارسـی، عربــی ءُ انگریــزی ءَ جـوڑ کنــگ بوتـگ هنــدی مهاجرانـی زبان انــت۰
بنگالــی زبـــان بنگالــی یانی ماتـی زبــان انــت. بنگالـی زبــان گــوں بنگــــلادش ءِ مهلوک ءِ هســــت ءُ کــومــی وجــــود ءُ تاریــخ ءَ همگـــرنــچ انــت. بنگالـــی دو ســـد ءُ بیســت میلیــون (۲۲۰۰۰۰۰۰۰ ) انســـان ءِ ماتــی زبان انــت کــه مـــاں بنگــلادش ءُ هندوستــان ءِ زربـاری بهــرے ءَ نشتــگ انــت ۰
بنگالــی زبـــان ءِ شئیـــر ءُ شائــری ءُ ادب ءِ اُمـر هشـت ســـد ســـال ءَ گیـش انــت. پیــش چــه پاکستـان نامیـــں ملکـــے ءِ اڈ بیـگ ءَ بنگالـی زبــان ءُ ادب هنچــو دیمــا شتـگ ات که مـاں۱۹۱۳ عیسایـی ءَ نوبــل ادبیــات ءُ ندکـاری انـام پروفیســر رابنــدر ناتـھ ٹاکـورءَ (۱۹۴۱ ـ ۱۸۶۱) دیــگ بوت. آ چـه ایشیــاءَ اولـیگیــں شائـر ءُ ندکــار اَت کــه نوبــل ءِ لبزانکــی ءُندکــاری انـــام ءَ کـَـٹّ اِت ۰
بنگــلادش ءِ « ماتـی زبــان ءِ جـُنــز» ءِ باســک ءُ کارزانــت وتــی واهگانــی پوره کنــگ ءَ چــه پنجــاپ ءِ پئــوج ءِ رستــری هــچ ترسے نیســت اَت . بنگــلادش ءِ ورنــا محمـد علـی جـناح ءِ پیسلــه ءِ هــلاپ ءَ وتــی تــوار چسـت کـرت ءُ ۲۱ فـروری ۱۹۵۲ ءَ هــزاراں نـودربــر، شهــدربر، واننــــده ءُ سرپدیــــں بنگالــی چــه لــوگاں درآتکنـــت ءُ وتــی تــوار اِش مگــربــی پاکستان ءِ واکدارانــی هـــلاپ ءَ بــُرز کــرت۰ پنجــاپ ءِ پئــوج بــے میــاریــں مردمانــی سرا تیــرگــواری کــرت ءُ وتــی تــوار اِش مگــربــی پاکستان ءِ واکدارانــی هـــلاپ ءَ بــُرز کــرت۰
پنجــاپ ءِ پئــوج بــے میــاریــں مردمانــی سرا تیــرگــواری کــرت ءُ داکا زانتجاه ءِ پنــچ شهــدربــر ( دانشجــو ): عبدالســلام، رفیق الدین احمــد، صوفی الرحمـن ، ابوالقاسم برکـت و عبدالجبـــار شهیــد ءُ دگــه بازینــے ٹپی ءُ تیری ءُ زدگ بوتنــت۰همــا روچ ( ۲۱ فـروری ) ءِ کشتــار ءَ رنـــد بنگــلادش ءِ مهلــوک ءُ سیاســی زانتکـــا ر پــه وت مستــری ( استقلال) واهــگ ءِ پــوره کنــگ ءَ لانک بســت ءُ اراده اش کــت که گیشتــر جنــاح ءُ پاکستــان ءِ واکدارانــی ایردســت مه بنــت۰
ماں سال۱۹۷۰ ءِ گچین کاری یاں شیے مجیب الرحمان ءُ عوامی لیگ سوبین بوتنــت بلئے مسلم لیگ ءُ مگربی پاکستان ءِ پئوج نه لوٹ اِت که سیاسی واک ءَ بنگالیان ءُ عوامی لیگ ءَ بدنت۰ شیے مجیب الرحمان جار جت که بنگالی وت مستری لوٹنت ءُ بنگلادش ءِ بیانیه آزادی ماں مارچ ۱۹۷۱ شنگ کت۰ جنگ آزادی ءِ درگت ءَ سی لکّ بے میاریں بنگالــی کشــگ ءُ زدگ بوتنــت ءُ اگاں چه پنجاب ءِ پئوج اوداں باز رستری کت بلئے گڈســرا بنگــلادش سوبیں بوت ءُ گوں زانتکاریں شیے مجیب الرحمن ءِ سروکی ءَ دسمبر۱۹۷۱ ءَ آزات ءُ وت مستــریں ملکے بوت۰

تپاکیــں راجانــی هوربنــد ءِ یونسکــو بنگــلادش ءِ واهــگ ءِ ردا مــاں ۱۹۹۹ ءَ جــار پرینــت که ۲۱ فــروری ماتــی زبانانــی میـــان استمانـــی روچ انــت. ۲۱ فــروری پــه ایردستیـــں کــوم ءُ آهانــی ماتــی زبانانــی دیمــروی ءُ زنــدگ دارگ ءَ یک مـزنیــں امیــت ءُ سکینــے انــت. بنگــلادش ءِ مهلــوک په وتی ماتــی زبان ءِ پهریــزگ ءَ جناح ءُ پنجاپــی یــاں همــا درونــت ( درس) دات که مــاں ایردستیــں راجانــی تاریــخ ءَ ابدمــان بــوت۰ مئے ماتــی زبــان شهدیــں بلوچــی هم بــاز کوهنیــن ءُ شاهگانیــں زبانــے ایـت کــه چــه سئـــے نیمــگ ءَ ( اوگانستان، پاکستان ءُ ایران ) ایــر دسـت انـــت۰ بلــوچــی مئــی ماتی زبان ءُ مئــی راجــی پجــّار انــت. بید بلــوچــی زبان ءَ ما گنگ بئین ءُ مئـــی کـــومی وجـــود ءُ هستـــی گــــوں نیستـــی ءَ برابـــر بیت۰ پـه همـــے سوب انـــت کـــه پارس ءُ پنجاپـی په بلـوچــی زبـــان ءِ نـــزور کنـــگ ءُ گـــاری ءَ وڑ وڑیــں پنـــدل ساز اِتــــگ۰
شاهگانیـــں بلــوچــی زنــدگ انـــت.
آزات ءُ آباد بات گنجيــــں بلوچستـــــــــان
پروشت ءُ پروش باتنـــت ايران ءُ پاکستان
محمــد کریــم بلــوچ

فــروری ۲۰۱۷

Share on
Previous article

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون پروفیسرعبدالواحد بزدارءَ

NEXT article

اَلاَحـوازالعــربی پاد آتکگ

LEAVE A REPLY